Garnacha Capela de O Santo

O lugar de O Santo, en Fontei, é o berce da nosa familia e tamén da súa vinculación coa viticultura. Nas súas ladeiras soleadas e calurosas medran as nosas cepas de Garnacha Vella e delas obtemos a herdanza dun viño tinto único.

Fermentado en barrica francesa de 500 litros, con posterior crianza de 18 meses, fan desta Garnacha un viño tinto galego único.

Cor vermella cereixa profunda e lágrima densa.

Nariz intenso, froitos do bosque (moras, arándanos), cereixas, pastelería, balsámico e fondos con atractivos tostados.

O padal é amplo, elegante e potente, carnoso, con paso afroitado, tanino elegante e final longo, onde volven os froitos vermellos. Lixeira astrinxencia da variedade.